Deall llwybrau cyflenwi a gofynion cyflenwi bwyd a diod i sefydliadau sector cyhoeddus Cymru.

Ymunwch â ni am daith wib o amgylch llu o adnoddau a chymorth sydd wedi’u hariannu’n llawn sydd ar gael i’ch helpu i dyfu eich busnes ac ennill contractau, a ddarperir gan Fusnes Cymru a GwerthwchiGymru.

Dysgwch sut mae Llywodraeth Cymru yn ail-lunio caffael cyhoeddus i agor rhagor o ddrysau i fusnesau bach a chanolig ac yn gwneud y broses o sicrhau contractau Llywodraeth Cymru yn haws. Dysgwch sut mae caffael cyfrifol cyhoeddus yn creu cyfleoedd newydd i fusnesau lleol gyflawni gwerth cymdeithasol a budd cymunedol uwch.
Mae’r sesiwn hon yn angenrheidiol i fusnesau bach a chanolig sy’n dymuno tyfu drwy gontractau’r sector cyhoeddus - ac i unrhyw un sydd eisiau deall sut mae polisi datblygol yn arwain newid cadarnhaol i gymunedau ledled Cymru.

Bydd Busnes Cymru yn cau’r sesiwn, gan dynnu sylw at gyfleoedd ar gyfer digwyddiadau, cymorth busnes, a chyfeiriadau arbennig.

Dysgwch sut mae datgarboneiddio tai yn llywio cyfleoedd y dyfodol yng Nghymru. Bydd y sesiwn hon yn amlinellu graddfa’r gwaith a drefnwyd, blaenoriaethau sydd ar y gweill, a’r rhaglenni sy’n arwain y galw am wasanaethau a chynhyrchion arloesol. Enillwch ddealltwriaeth o ble mae’r angen mwyaf am arbenigedd ar y gadwyn gyflenwi a sut all cyflenwyr roi eu hunain mewn sefyllfa i fodloni’r gofynion sy’n codi.

Ymunwch â Phartneriaeth Cydwasanaethau y GIG wrth i ni ddarparu trosolwg o’r llwybrau caffael a ddefnyddir ar draws GIG Cymru, gan gynnwys sut i gyrchu gwybodaeth hanfodol drwy ein pyrth tendro ar-lein. Byddwn yn rhannu ein gweledigaeth a’n strategaeth ar gyfer caffael cynaliadwy i’r dyfodol. Bydd y sesiwn hefyd yn cynnig arweiniad ar sut y gall cyflenwyr fod yn fwy effeithiol wrth sicrhau contractau a chydfynd ag anghenion esblygol barhaus y GIG.

Mae cydgynnig a chydweithio yn cynnig llwybr grymus i gyflenwyr o Gymru sicrhau contractau mwy a gwerth uwch a fyddai fel arall o bosib allan o bob gafael.
Dewch i ymuno â ni am y drafodaeth banel hon ar ddyfodol cydgynnig, lle byddwn yn rhoi trosolwg cyflym ichi o sut mae’n gweithio a byddwch yn clywed yn uniongyrchol gan banel o brif brynwyr ynghylch y cyfleoedd y gall greu.

Panellists: Stefan Iles Uwch Rheolwr y Gadwyn Gyflenwi yn Trafnidiaeth Cymru Paul Griffiths Pennaeth Cyflawni Caffael Llywodraeth Cymru Sion Hughes Cyfarwyddwr Polisi a Chyflawni yn Adra, Richard Fraser-Williams Busnes Cymru / Menter Môn Morlais Cyf